СТАМБҰЛ. 12 қараша. ИНТЕРФАКС – Түркияның Қорғаныс министрлігі Грузия аумағында апатқа ұшыраған әскери-көлік ұшағында болған барлық 20 адамның мерт болғанын растады. Бұл туралы сәрсенбі күні Associated Press агенттігі хабарлады.
Министрлік апаттың себептері бойынша тергеу жүргізіліп жатқанын мәлімдеді. Апат орнына Түркиядан тергеу тобы барып, сәрсенбі күні таңертең ұшақтың қалдықтарын зерттеуге кіріскен.
Қайғылы оқиға сейсенбі күні болған. Түркияның С-130 әскери-көлік ұшағы Грузияда, Әзірбайжан шекарасына жақын маңда апатқа ұшырады. Ұшақ Әзірбайжаннан Түркияға бағыт алған.
Түркиялық БАҚ-тың мәліметінше, бұл типтегі ұшақтар әдетте Қарулы күштер тарапынан жеке құрам мен логистикалық жүктерді тасымалдауға пайдаланылады.
