Шектеулер энергетика, қаржы қызметтері және сауда салаларын қамтиды
Брюссель, 6 ақпан. ИНТЕРФАКС – Еуропалық комиссия Ресейге қарсы Еуроодақтың 20-шы санкциялар пакетін ұсынып отыр. Бұл туралы жұма күні арнайы мәлімдеме жасаған ЕК төрайымы Урсула фон дер Ляйен хабарлады.
Оның айтуынша, жаңа санкциялар пакеті энергетика, қаржы қызметтері және сауда салаларын қамтиды.
«Энергетика саласында біз Ресей мұнайын теңіз арқылы тасымалдауға толық тыйым енгіземіз. Бұл Ресейдің энергия ресурстарынан түсетін кірістерін одан әрі қысқартып, оның мұнайына сатып алушы табуды қиындатады», – делінген мәлімдемеде.
Еурокомиссияның мәліметінше, аталған шаралар Ресей экономикасына қысымды күшейтіп, санкциялық режимнің тиімділігін арттыруға бағытталған.
