Астана. 21 ақпан. ИНТЕРФАКС-ҚАЗАҚСТАН — Қазақстан Президенті Қасым-Жомарт Тоқаевтың атына қасиетті Рамазан айының басталуына орай шет мемлекеттер басшылары мен халықаралық ұйымдар жетекшілерінен құттықтау жеделхаттары келіп түсуде. Бұл туралы Қазақстан Президентінің баспасөз қызметі хабарлады.
Мемлекет басшысын Рамазан айының басталуымен Өзбекстан Президенті Шавкат Мирзиёев, Біріккен Араб Әмірліктерінің Президенті Мұхаммед бен Заид Әл Нахаян, БАӘ Премьер-министрі, Дубай әмірлігінің билеушісі Мұхаммед бен Рашид Әл Мактум, БАӘ Вице-президенті, Президент әкімшілігінің басшысы Мансур бен Заид Әл Нахаян, Марокко Королі Мұхаммед VI, Иран Президенті Масуд Пезешкиан, Египет Президенті Абдель Фаттах ас-Сиси, Кувейт Әмірі Мишааль әл-Ахмад әл-Джабер ас-Сабах, Палестина Президенті Махмуд Аббас және басқа да тұлғалар құттықтағаны атап өтілді.
