* Бахрейнде зымыран тұрғын үйге түсіп, бір әйел қаза тапты
Дубай. 10 наурыз. ИНТЕРФАКС – БАӘ, Кувейт, Сауд Арабиясы және Бахрейн әскери күштері түн ішінде Иран аумағынан энергетикалық инфрақұрылым нысандарына бағытталған бірқатар дрондар мен зымырандарды атып түсірді. Бұл туралы сейсенбі күні Al Jazeera телеарнасы хабарлады.
Телеарна мәліметінше, БАӘ-де әуе шабуылына қарсы қорғаныс жүйелері дрондар мен зымырандарды тосқауыл қою жұмыстарын әлі де жалғастырып жатыр. Кувейтте кемінде алты ұшқышсыз аппарат атып түсірілген. Сондай-ақ бірнеше дронның жойылғанын Сауд Арабиясы мен Бахрейн билігі де хабарлаған.
Сонымен қатар Бахрейнде зымыран тұрғын үй ғимаратына түсіп, бір әйел қаза тапқан. Ал Сауд Арабиясында дрон тұрғын ауданға құлағанымен, адам шығыны болған жоқ.
Бахрейн билігінің мәліметінше, соққы Bapco компаниясының мұнай өңдеу кешеніне де тиген. Ал Сауд Арабиясында шабуыл Шайба мұнай-газ кен орнына бағытталған.
Al Jazeera соңғы 24 сағат ішінде бұл елдерге жасалған шабуылдардың басым бөлігі энергетикалық инфрақұрылым нысандарына бағытталғанын атап өтті.
Бұған дейін Иран билігі көршілес мемлекеттер агрессивті әрекет жасамаса, олардың аумағына соққы жасалмайтынын мәлімдеген еді. Сонымен қатар ел президенті Масуд Пезешкиан егер көрші мемлекеттер АҚШ-қа өз аумағын Иранға қарсы соққылар жасау үшін пайдалануға мүмкіндік берсе, Тегеран жауап шараларын қабылдауға мәжбүр болатынын айтқан.
