Астана. 19 наурыз. ИНТЕРФАКС-ҚАЗАҚСТАН – АҚШ президенті Дональд Трамп Қазақстан президенті Қасым-Жомарт Тоқаевқа хат жолдап, оны Бейбітшілік кеңесінің келесі отырысына және G20 саммитіне шақырды. Бұл туралы Қазақстан президентінің кеңесшісі – баспасөз хатшысы Айбек Смәдияров хабарлады.
«АҚШ президенті мемлекет басшысын Бейбітшілік кеңесінің келесі отырысында және осы жылдың соңында Майамиде өтетін G20 саммитінде қайта қарсы алуға ниетті екенін атап өтті», – деп жазды Смәдияров бейсенбі күні өзінің Telegram-арнасында.
Оның айтуынша, америкалық көшбасшы ақпан айында Вашингтонда өткен Бейбітшілік кеңесінің алғашқы отырысы аясындағы кездесу туралы оң пікір білдірген.
