Астана. 13 сәуір. ИНТЕРФАКС-ҚАЗАҚСТАН – Қазақстан Президенті Қасым-Жомарт Тоқаев Ұжымдық қауіпсіздік туралы шарт ұйымының (ҰҚШҰ) Бас хатшысы Таалатбек Масадыковты қабылдады, деп хабарлады дүйсенбі күні Мемлекет басшысының баспасөз қызметі.
Масадыков Тоқаевқа ҰҚШҰ Бас хатшысы ретіндегі алдағы жұмыс жоспарлары туралы мәлімет берді.
«Кездесу барысында Ұйым қызметінің негізгі бағыттары бойынша кең ауқымды мәселелер, соның ішінде тұрақты жұмыс істейтін органдардың қазіргі қызметі талқыланды», – делінген хабарламада.
«Қасым-Жомарт Тоқаев Ұйымды одан әрі дамытуға қатысты бірқатар ұсыныс білдіріп, Қазақстан тарапының ҰҚШҰ аясындағы ынтымақтастықты нығайтуға дайын екенін атап өтті», – деп хабарлады президенттің баспасөз қызметі.
