Астана. 8 мамыр. ИНТЕРФАКС-ҚАЗАҚСТАН – Қазақстан Президенті Қасым-Жомарт Тоқаев Мәскеуде өтетін Ұлы Жеңістің 81 жылдығына арналған салтанатты іс-шараларға қатысады. Бұл туралы Мемлекет басшысының баспасөз хатшысы Айбек Смадияров хабарлады.
«Сапар аясында Қасым-Жомарт Тоқаев пен Владимир Путиннің жеке кездесуі жоспарланған», — деп жазды Смадияров жұма күні өзінің телеграм-арнасында.
Оның мәліметінше, мемлекет басшылары Ресей Президентінің мамыр айының соңына жоспарланған Қазақстанға сапары қарсаңында стратегиялық ынтымақтастықтың негізгі мәселелерін талқылайды.
«Кремль Қазақстан басшысының бұл шешіміне ризашылық білдіріп, оның Мәскеуге күтілетін жұмыс сапарын «достық қадам» деп атады», — деп атап өтті Смадияров.
