Лондон. 10 мамыр. ИНТЕРФАКС — Парсы шығанағындағы жүк кемесі Катар маңында шабуылға ұшырады. Бұл туралы Ұлыбританияның Теңіз сауда тасымалы басқармасы (UKMTO) мәлімдеді.
«Балкер капитаны кемеге белгісіз снаряд тигенін хабарлады. Оқиға салдарынан болған шағын өрт сөндірілді, зардап шеккендер жоқ», — делінген хабарламада.
Оқиға жексенбі күні Катар астанасы Доха қаласынан солтүстік-шығысқа қарай 23 шақырым жерде болған. UKMTO дерегінше, қоршаған ортаға ешқандай залал келгені тіркелмеді.
