Вашингтон. 11 мамыр. ИНТЕРФАКС – АҚШ Әскери-теңіз күштері блокада басталғаннан бері Иран порттарына бағытталған немесе одан шыққан, Иранмен байланысы бар 62 сауда кемесін құрықтады. Бұл туралы дүйсенбі күні АҚШ Қарулы Күштерінің Таяу Шығыстағы Орталық қолбасшылығы (CENTCOM) мәлімдеді.
«АҚШ Орталық қолбасшылығының күштері блокада режимінің сақталуын қамтамасыз ету мақсатында 62 сауда кемесінің бағытын өзгертті және төртеуін істен шығарды», — делінген хабарламада.
Қолбасшылықтың мәліметінше, «Иранның теңіз блокадасын АҚШ-тың 20-дан астам әскери кемесі қамтамасыз етіп тұр».
Бұған дейін CENTCOM блокада кезінде АҚШ Әскери-теңіз күштері Иран порттарынан жалпы құны 13 миллиард доллардан асатын, 166 миллион баррельден астам мұнай тасымалдауы тиіс болған ондаған танкердің шығуына тосқауыл қойғанын хабарлаған болатын.
