Астана. 15 мамыр. ИНТЕРФАКС-ҚАЗАҚСТАН – Қазақстан астанасында екінші әуежай салу мүмкіндігі қарастырылуда, деп хабарлады Астана әкімінің орынбасары Ерсін Өтебаев.
«Қаланың өсуін ескерсек, таяу болашақта екінші әуежайдың қажеттілігі туындайтыны сөзсіз. Алайда әзірге құрылыс орны анықталған жоқ», — деді Өтебаев жұма күні Парламент кулуарында журналистерге берген сұхбатында.
Оның айтуынша, құрылыс жүргізу үшін бірнеше алаң қарастырылып жатыр: олар Қосшы қаласы бағытында, сондай-ақ Қарағанды және Павлодар тасжолдарының бойында орналасқан.
«Бұл бағытта жұмыс жүргізілуде. Сарапшылар тобы осы мәселемен айналысып жатыр», — деп атап өтті ол.
Қазіргі уақытта Астанада жұмыс істеп тұрған Нұрсұлтан Назарбаев халықаралық әуежайы тәулігіне 200-ге дейін рейсті қабылдап, жөнелтеді, ал ай сайын ұшу бағыты бойынша 2 мыңнан астам рейс орындалады. Әуежайдан 5 отандық және 23 шетелдік авиакомпания 18 ішкі және 35 халықаралық бағыт бойынша тұрақты рейстерді жүзеге асырады. Әуежайдың өткізу қабілеті жылына 8,2 млн жолаушыны құрайды.
