Токио. 17 тамыз. ИНТЕРФАКС – Дүйсенбіде Жапония, құрлықтық Қытай және Гонконг қор индекстері жоғарылап, Австралия нарығы төмендеді.
Оңтүстік Корея биржалары Тәуелсіздік күніне байланысты жабық.
Жапонияның Nikkei 225 индексі 0,41%-ға көтерілді.
Үкіметтің алдын ала мәліметі бойынша, Жапония экономикасы 2026 жылдың екінші тоқсанында алдыңғы үш аймен салыстырғанда 0,3%-ға өсті. Бірінші тоқсанда өсім 0,5% болған. Trading Economics келтірген сарапшылар болжамында сәуір-маусым аралығында ЖІӨ 0,5%-ға өседі деп күтілген.
Ал елдегі өнеркәсіп өндірісі маусымда мамырмен салыстырғанда 1,9%-ға артты. Экономика, сауда және өнеркәсіп министрлігінің түпкілікті деректері бастапқы бағалау мен сарапшылар болжаған 1,3%-дан жоғары болды.
Токио биржасында Kioxia чип өндірушісінің акциялары 11,5%-ға қымбаттап, өсім бойынша алдыңғы орынға шықты. Ал киберқауіпсіздік саласындағы Trend Micro акциялары 8,8%-ға арзандады.
Fujikura акциялары 5,7%-ға, Mitsui Kinzoku – 4,7%-ға, Furukawa Electric – 4,6%-ға, Archion мен Renesas Electronics – 3,6%-ға, Resonac – 3,4%-ға, Sumitomo Metal – 3,3%-ға қымбаттады.
Ал Dentsu компаниясының нарықтық құны 7,8%-ға, Ebara – 7,6%-ға, NEC – 6,8%-ға, SHIFT – 5%-ға, Sharp – 4,7%-ға, Sompo Holdings – 4,6%-ға төмендеді.
Қытайдың Shanghai Composite индексі 0,94%-ға, Гонконгтың Hang Seng индексі 1,72%-ға өсті.
Инвесторлар дүйсенбіде жарияланатын Қытайдың шілде айындағы өнеркәсіп өндірісі, бөлшек сауда және жұмыссыздық жөніндегі статистикасын күтуде.
Hang Seng құрамындағы компаниялар арасында Orient Overseas логистикалық компаниясының акциялары 7,6%-ға қымбаттап, ең жоғары өсім көрсетті. Lenovo акциялары 1,4%-ға төмендеп, ең көп арзандады.
Geely акциялары жартыжылдық есеп жарияланғаннан кейін 5,2%-ға көтерілді. Автоконцерн қаңтар-маусымда таза пайдасын аздап төмендеткенімен, түсімін 15%-ға арттырды.
Alibaba Group Holding (SPB: BABA) акциялары 2,8%-ға қымбаттады. Бұған компанияның бейнеойындар бөлімшесін кемінде $1,5 млрд-қа сату жөніндегі ақпарат ықпал етті.
Австралияның S&P/ASX 200 индексі 0,5%-ға төмендеді.
Өсім бойынша Audinate (+8,6%), Steadfast (+5,4%) және PLS Group (+4,8%) көш бастады. Ал LendLease (-11,2%), JB Hi-Fi (-10,9%) және Aurizon (-10,2%) акциялары ең көп арзандады.
Әлемдегі ірі тау-кен компаниялары BHP мен Rio Tinto-ның нарықтық құны тиісінше 0,8% және 0,7%-ға өсті.
