Париж. 10 шілде. ИНТЕРФАКС – Франция президенті Эммануэль Макронмен Ұлыбритания премьер-министрі Кир Стармер бейсенбі күні ядролық тежеу күштерінің әрекеттерін үйлестіруге қатысты декларацияға қол қояды. Бұл туралы BFM TV арнасы Елисей сарайына сілтеме жасап хабарлады.
Телеарна мәліметінше, құжат Еуропа елдерін «шектен тыс қауіп-қатерлер» жағдайында бірігіп қорғау мақсатындағы іс-қимылды көздейді. Алайда Париж бен Лондон мұндай жағдай туындағанда нақты қандай шараларға баруға дайын екені нақтыланған жоқ.
Декларацияда Франция мен Ұлыбританияның ядролық тежеу күштері тәуелсіз болып қала беретіні, бірақ олардың әрекеттерін үйлестіру мүмкіндігі қарастырылатыны атап өтілген.
Елисей сарайының хабарлауынша, тараптар ядролық қауіпсіздік саласындағы ықпалдастықты жетілдіру жолдарын талқылау үшін арнайы бірлескен жұмыс тобын құру туралы шешім қабылдаған.
Қазіргі уақытта Макрон ресми сапармен Ұлыбританияда жүр.
