Вашингтон. 28 тамыз. ИНТЕРФАКС – Атом энергиясы жөніндегі халықаралық агенттік (МАГАТЭ) бас директоры Рафаэль Гросси Иранмен арадағы келіссөздерде оң қозғалыс байқалатынын айтып, жақын арада нақты келісімге қол жеткізілетініне сенім білдірді.
«Инспекторлардың Иранға қайта оралуының өзі – прогрестің нақты белгісі», – деді ол дүйсенбі күні Associated Press агенттігіне берген сұхбатында.
Гросси өз сөзінде: “Жақын арада келісімге келеміз деген үміттемін», – деп қосты. Алайда, ол өзіне қатысты қауіп бар екенін де растады. Журналистер қойған «Бұл қауіп Ираннан ба?» деген сұраққа:
“Мұны нақты солай деп айтқым келмейді, бірақ бағыттас деуге болады», – деп жауап берді.
Сонымен қатар, Гросси былай деді:
“Мен Иранмен конструктивті, мазмұнды қарым-қатынас орнағанын қалаймын. Өкінішке қарай, кейбір қауіп-қатер бар екенін мойындауға тура келеді. Бізде осыған қатысты ақпарат бар, әрі МАГАТЭ орналасқан мемлекет – Австрия – бұл деректерді өте байыппен қарастырды».
The Wall Street Journal газетінің хабарлауынша, соңғы уақытта Гросси қауіпсіздік мақсатында тәулік бойы күзетпен жүрген. Басылым Австрия барлау қызметі Израиль мен Иран арасындағы қарулы шиеленістен кейін Гроссидің өміріне қауіп төнуі мүмкін деген мәлімет алғанын жазады.
МАГАТЭ өкілі Фредрик Даль бұл ақпаратты растай келе:
«Иә, Австрия тарапы COBRA арнайы жасағын жұмылдырды. Бірақ нақты қауіп қайдан төнгенін анық айту мүмкін емес», – деп түсіндірді.
