Вашингтон. 6 қыркүйек. Интерфакс – АҚШ президенті Дональд Трамп 2019 жылы Солтүстік Кореяда сәтсіз аяқталған америкалық теңіз арнайы жасақ операциясы туралы бейхабар екенін мәлімдеді.
«Мен бұл туралы ештеңе білмеймін. Алғаш рет естіп тұрмын», – деді ол Ақ үйде журналистерге.
Бұған дейін The New York Times дереккөздерге сілтеме жасап, Трамп 2019 жылы арнайы операцияға рұқсат бергенін хабарлаған еді. Әскери қызметкерлер КХДР аумағына тыңдау құрылғысын орнатуы тиіс болған. Алайда Солтүстік Корея жағалауында америкалықтар жақындап қалған шағын кеме көріп, оған оқ атқан. Осыдан кейін операцияны тоқтатуға тура келген. Кейіннен арнайы жасақ сарбаздары бірнеше қарусыз солтүстіккореялық балықшыны қателесіп атып өлтіргені белгілі болған.
