Астана, 29 қыркүйек. ИНТЕРФАКС-ҚАЗАҚСТАН – Мемлекет басшысының өкімімен Жандос Жәнібекұлы Өміралиев Қазақстан Республикасының Бас прокурорының бірінші орынбасары болып тағайындалды. Бұл туралы Ақорда баспасөз қызметі хабарлады.
«Мемлекет басшысының өкімімен Өміралиев Жандос Жәнібекұлы Қазақстан Республикасының Бас прокурорының бірінші орынбасары болып тағайындалды. Ол бұрын атқарған қызметінен босатылды», – делінген хабарламада.
Жандос Өміралиев 2022 жылғы маусым айынан бері Бас прокурордың орынбасары қызметін атқарып келген.
Сонымен қатар, Мемлекет басшысының басқа өкімімен Тимур Тәшімбаев Қазақстан Республикасының Бас прокурорының бірінші орынбасары қызметінен босатылды. Ол бұл лауазымды 2022 жылғы сәуір айынан бастап атқарып келген.
