Астана, 29 қыркүйек. ИНТЕРФАКС-ҚАЗАҚСТАН – Мемлекет басшысы Қасым-Жомарт Тоқаевтың жарлығымен Жұлдыз Досбергенқызы Сүлейменова Қазақстан Республикасының Оқу-ағарту министрі болып тағайындалды. Бұл туралы Ақорданың ресми сайтында дүйсенбі күні жарияланды.
«Сүлейменова Жұлдыз Досбергенқызын Қазақстан Республикасының Оқу-ағарту министрі лауазымына тағайындау туралы» жарлыққа Президент қол қойды, – делінген құжат мәтінінде.
Сондай-ақ, Мемлекет басшысының басқа жарлығымен Ғани Бейсембаев Оқу-ағарту министрі лауазымынан босатылды.
42 жастағы Сүлейменова әр жылдары «Назарбаев Зияткерлік мектептері» ДББҰ даму департаментінің директоры қызметін атқарған, сондай-ақ Президент жанындағы Ұлттық құрылтайдың және Әйелдер ісі және отбасылық-демографиялық саясат жөніндегі ұлттық комиссияның мүшесі болған.
56 жастағы Ғани Бейсембаев бұл министрлікті 2023 жылдан бастап басқарған.
