АСТАНА. 15 қазан. ИНТЕРФАКС-ҚАЗАҚСТАН – Қазақстан Президенті Қасым-Жомарт Тоқаев «Қазақстан Республикасының Үкіметі мен Армения Республикасының Үкіметі арасындағы көші-қон саласындағы ынтымақтастық туралы келісімді ратификациялау туралы» заңға қол қойды. Бұл туралы Мемлекет басшысының баспасөз қызметі сәрсенбі күні хабарлады.
Аталған келісім 2024 жылғы сәуір айында Ереван қаласында қол қойылған.
Құжат екі елдің көші-қон саласындағы ынтымақтастығын, сондай-ақ бір тарап азаматының екінші тарап аумағындағы құқықтарын қорғау шараларын қамтиды. Сонымен қатар тараптар арасындағы ақпараттық өзара іс-қимылды ұлттық заңнама мен халықаралық міндеттемелерге сәйкес жүзеге асыру көзделеді.
Келісім уәкілетті органдар арасындағы үйлестіру тәртібін енгізіп, қос азаматтықпен күресуге, заңсыз көші-қон арналарының жолын кесуге мүмкіндік береді.
