Вашингтон. 29 қазан. Интерфакс – АҚШ Президенті Дональд Трамп Азия елдеріне жасаған сапары аясында КХДР лидері Ким Чен Ынмен кездесу уақытын келісу мүмкін болмағанын мәлімдеді.
«Мен Ким Чен Ынды жақсы білемін, арамыз жақсы. Бірақ кездесу уақыты бойынша ортақ шешімге келе алмадық», – деді ол Оңтүстік Корея басшылығымен өткізген екіжақты кездесу барысында.
Трамптың айтуынша, бейсенбі күні Оңтүстік Кореяға Қытай Халық Республикасының Төрағасы Си Цзиньпин келеді және сол сапар аясында АҚШ-Қытай келіссөзі өтеді.
Сонымен қатар АҚШ басшысы болашақта Оңтүстік Кореяға қайта келуі мүмкін екенін атап өтті.
Бұған дейін Трамп Азия туры кезінде Ким Чен Ын кездесуге ниет білдірсе, қабылдауға дайын екенін бірнеше рет айтқан болатын.
Ал Пхеньян ресми мәлімдемелерінде АҚШ Солтүстік Кореяның ядролық қарудан бас тартуын талап етуді тоқтатса, диалогқа дайын екенін жеткізген еді.
