Москва. 30 қазан. ИНТЕРФАКС – Ресей ядролық қару сынақтарына мораторийді қандай да бір ел бұзған жағдайда, қалыптасқан жағдайға қарай әрекет етеді, деп мәлімдеді РФ президентінің баспасөз хатшысы Дмитрий Песков.
«Президент Путиннің бірнеше мәрте айтқан сөзін еске салғым келеді: егер біреу мораторийден бас тартса, Ресей жағдайға сай әрекет ететін болады», – деді Песков бейсенбі күні журналистерге.
Бұл мәлімдеме АҚШ президенті Дональд Трамптың Америка ядролық сынақтарды қайта бастайтыны жөніндегі сөзіне қатысты айтылды.
Журналистер АҚШ тарапынан Ресейге мұндай ниеттер туралы қандай да бір ресми хабар берілді ме деген сұрақ қойған кезде, Песков: «Жоқ», – деп жауап берді.
