Вашингтон, 31 қазан. ИНТЕРФАКС. АҚШ пен Үндістан қорғаныс саласындағы 10 жылдық әріптестік жөніндегі келісімге қол қойды. Бұл құжат Индо–Тынық мұхиты аймағындағы қауіпсіздік пен тұрақтылықты нығайтуға бағытталған. Бұл туралы АҚШ Қорғаныс министрі Пит Хегсет мәлімдеді.
«Мен Үндістанның қорғаныс министрі Раджнатх Сингхпен кездесіп, он жылға арналған америкалық–үндістандық негіздемелік келісімге қол қойдым. Бұл құжат біздің қорғаныс саласындағы ынтымақтастығымызды жаңа деңгейге көтереді. Ол аймақтағы тұрақтылық пен сес қайтару тетіктерінің негізі болмақ», – деп жазды Хегсет X әлеуметтік желісіндегі парақшасында.
Министрдің айтуынша, тараптар ақпарат алмасуды және қорғаныстық технологиялар саласындағы бірлескен жұмыс бағыттарын кеңейтуге уағдаласқан.
АҚШ қорғаныс министрі осы аптада Индо–Тынық мұхиты елдеріне сапармен барып жатыр. Жоспарға сәйкес ол Жапония, Малайзия, Вьетнам және Оңтүстік Кореяда болады. Бұған дейін ол ҚХР қорғаныс министрі Дун Цзюньмен кездесу өткізіп, Қытайдың өңірдегі әрекеттеріне алаңдаушылық білдіріп, АҚШ-тың аймақтағы мүдделерін қорғауға әзір екенін жеткізген.
