БЕРЛИН. 17 қараша. ИНТЕРФАКС-ҚАЗАҚСТАН – Финляндия Президенті Александр Стубб Еуропалық одақ желтоқсан айына жоспарланған саммитке дейін Украинаға қаржылай көмекті жалғастыру мәселесін шешеді деп үміт білдірді.
«Желтоқсан айында Еуропалық кеңес отырысына қатысу үшін ЕО елдерінің көшбасшылары жиналған кезде бұл мәселенің шешімі табылады деп сенемін. Өйткені Украинаға қаржылай қолдауды жалғастыру өте маңызды», – деді Стубб НАТО Бас хатшысы Марк Рюттемен өткізген баспасөз мәслихатында.
Финляндия Президенті Киевке көмек көрсетудің үш ықтимал жолы бар екенін еске салды: ЕО елдерінің өзінен тікелей қаражат бөлу, Еуроодақ атынан бірлесіп қарыз тарту немесе Ресейдің бұғатталған активтерін пайдалану.
Сондай-ақ ол дүйсенбі күні бұл мәселені Бельгия Премьер-министрі Барт Де Вевермен талқылайтынын айтты.
ЕО саммиті 18–19 желтоқсан күндері өтеді.
