ИЕРУСАЛИМ. 19 қараша. ИНТЕРФАКС – Израиль қорғаныс армиясы (ЦАХАЛ) сәрсенбі күні Ливанның оңтүстігіндегі бірқатар елді мекен тұрғындарын шұғыл эвакуацияға шақырды, деп хабарлайды Associated Press агенттігі.
Бұл үндеу Израиль мен “Хезболла” қозғалысы арасындағы шиеленістің күшеюі аясында жасалған.
Агенттіктің мәліметінше, ЦАХАЛ өкілдері Ливанның оңтүстігіндегі екі елді мекен тұрғындарына үйлерін тастап шығуды ескертті. Әскерилердің айтуынша, бұл елді мекендер “Хезболла” инфрақұрылымдарына тым жақын орналасқан.
Соңғы күндері Израиль Ливанға бағытталған шабуылдарын күшейткен. Сәрсенбі күні Ливан Денсаулық сақтау министрлігі Израильдің оңтүстіктегі көлікке жасаған соққысы салдарынан бір адамның қаза тапқанын, тағы 11 адамның жарақат алғанын хабарлады. Бұған дейін ЦАХАЛ-дың Айн-эль-Хильва палестиналық босқындар лагеріне жасаған соққысы 13 адамның өмірін қиған.
Айта кетейік, 2024 жылдың қарашасында Израиль мен “Хезболла” уақытша бітімге келген болатын. Алайда келісімге сәйкес, Израиль армиясы өз қауіпсіздігіне қауіп төнген жағдайда “Хезболла” содырларына қарсы соққы жасау құқығын сақтап қалды.
