Күнбе күн

Қазақстан денсаулық сақтау саласындағы ғылыми зерттеулерді қаржыландыру үшін Еуразиялық тұрақтандыру және даму қорына (ЕТДҚ) грант бөлу туралы өтінім жолдады. Қазіргі уақытта өтінім қаралып жатыр. Бұл туралы Астанада өткен ЕТДҚ-ның «Теңгерімді экономикалық даму жолында» атты халықаралық экономикалық конференциясында ҚР қаржы вице-министрі Дәурен Кеңбейіл мәлімдеді.

Қаржылық мониторинг агенттігі заңды кәсіпкерлік қызметті бүркемелеп, электрондық терминалдар арқылы 188 млрд теңгеден астам қаржы айналымын жүзеге асырған сегіз адамнан тұратын топқа қатысты қылмыстық істің сотқа жолданғанын хабарлады

Қайрат Мақсұтов «Самұрық-Энерго» АҚ басқарма төрағасы қызметінен жұмыстағы кемшіліктеріне байланысты босатылды. Мұндай шешімді компанияның бас ұйымы – «Самұрық-Қазына» ұлттық әл-ауқат қорының басқармасы қабылдады.

Қазақстанда борышкерлердің банк шотында ең төменгі қажетті соманы сақтап, оны еш кедергісіз пайдалануына мүмкіндік беретін бірыңғай тетік жоқ. Бұл Ұлттық банктің Құрылтайдағы үш фракция депутаттарының сауалына берген жауабынан белгілі болды. Негізінде, 2016 жылы «Атқарушылық іс жүргізу және сот орындаушыларының мәртебесі туралы» заңда борышкердің жалақысынан немесе өзге де табысынан берешек өндірілген кезде оның табысының кемінде 50 пайызы сақталуға тиіс екені бекітілген. Оның үстіне борышкердің қолында қалатын қаражат ең төменгі күнкөріс деңгейінен кем болмауы керек. Алайда іс жүзінде сот орындаушылары борышкердің бірнеше банк шотына бір мезгілде тыйым салып, бұғатталған қаражаттың жалпы көлемі қарыз сомасынан бірнеше есе асып кететін жағдайлар кездеседі. Біздің ойымызша, бұл жағдайды назардан тыс қалдыруға болмайды.Сондықтан «Ауыл», Respublica және «Әділет» фракциялары Ұлттық банкке тікелей жүгініп, қалыптасқан жағдайды реттеу үшін нақты шаралар қабылдауды сұрады. Ал Ұлттық банк жауабы қандай болды?

АҚШ Президенті Дональд Трамп бұл саланың одан әрі дамуына қатысты мәселелерді шешуге қатысу үшін «жасанды интеллект күштерін» — арнайы құрылым құратынын мәлімдеді.