Тег: Eurasia24
Онлайн-казино жанжалы: 34 блогерге қылмыстық іс қаупі төніп тұр
“Жыл басынан бері Агенттік онлайн құмар ойындарды жарнамалауға қатысы бар 34 блогерді анықтады. Олардың қатарында Қайсар Қамза, Шыңғысхан Көпбаев, Айтмаханов Тәуіржан, Тұрғанов Наиль, Диляра Аманқосқызы және басқалар бар. Аталған тұлғалардың 11-і Қазақстан Республикасы Әкімшілік құқық бұзушылық туралы кодексінің 455-бабы («Жарнама туралы заңнаманы бұзу») бойынша әкімшілік жауапкершілікке тартылды. Ал қалған 23 контент жасаушыға қатысты материалдар тиісті шара қабылдау үшін Мәдениет министрлігіне жолданды.
Жеңістің 80 жылдығы: Қытайдағы саяси реңкті шара
«Синьхуа» агенттігінің хабарлауынша, ҚХР Төрағасы Си Цзиньпиннің шақыруымен 26 шет мемлекет басшысы Қытай халқының жапон басқыншыларына қарсы соғыстағы және Екінші дүниежүзілік антифашистік соғыстағы Жеңістің 80 жылдығына арналған еске алу шараларына қатысады. Бұл туралы бейсенбі күні Қытай Халық Республикасының Сыртқы істер министрінің көмекшісі Хун Лэй мәлімдеді.
Орталық Азия Ауғанстан бойынша байланыс тобын құрды
Кездесу қатысушылары 2024 жылғы 9 тамызда Астанада өткен Орталық Азия мемлекеттері басшыларының алтыншы Консультативтік кездесуінің қорытындысы бойынша қабылданған Бірлескен мәлімдеме мен 2025–2027 жылдарға арналған өңірлік ынтымақтастықты дамыту жөніндегі жол картасына сүйене отырып, Ауғанстан мәселесі бойынша арнайы өкілдер деңгейінде Контакттік топ құрудың өзектілігі мен дер кезінде қолға алынғанын атап өтті.
Жаңа Салық кодексі Конституцияға қайшы ма?
2026 жылдың 1 қаңтарынан бастап Қазақстанда e‑Tamga деп аталатын жаңа салық жүйесі енгізіледі, ол электрондық шот-фактуралардың (ЭСФ) рәсімделу тәртібін түбегейлі өзгертеді. Бұл жүйе, Ұлттық кәсіпкерлер палатасы «Атамекен» өкілдерінің пікірінше, Қазақстандық бизнес үшін айтарлықтай қауіп тудырады. Мәселе мынада, жаңа e‑Tamga жүйесі енгізілгеннен кейін, компаниялар қосылған құн салығы(ҚҚС) көрсетілген электрондық шот-фактураларды (ЭСФ) тек салықтыалдын ала төлегеннен кейін ғана рәсімдей алады.
Жылусыз қалалар қаупі қайта төнді
Үкімет отырысы барысында Премьер-министр бірқатар өңірлерде жөндеу жұмыстарының уақытылы аяқталмауынабайланысты туындаған тәуекелдерге ерекше назар аударды. Атап айтқанда, Ақмола облысындағы Степногорск ЖЭО-да резервтік қазандықты жөндеу жұмыстары аяқталмаған. Маңғыстау облысындағы ЖЭО-2-де екі турбинаныжөндеу мерзімі кейінге шегерілген. Сондай-ақ, Ақтау қаласының жылужелілерін қайта жаңғырту жұмыстары баяу қарқынмен жүріп жатыр. Мұндай мәселелер барлық өңірлерде бар. Біз бірқатар өңір әкімдерінің есептерін тыңдадық.