Экономист Эльдар Шамсутдинов өзінің Telegram-арнасында: «Еуразиялық тұрақтандыру және даму қорының бағалауынша, инфляция 2025–2026 жылғы қыстан кейін төмендейді, бірақ жақын айларда екі таңбалы деңгейде қалады»,- деп жазды. Марина Гричиктің айтуынша, инфляцияны 7–9% дәлізіне түсіру үшін ақша-кредит саясаты қатаң күйінде сақталады. Екінші тоқсанда өсім 0,6%-ға баяулағанымен, базалық мөлшерлеме жыл соңына дейін жоғары деңгейде болады.
Евразия254 пікір:
11 шілдеде Қазақстан Ұлттық банкі базалық мөлшерлемені 16,5% деңгейінде сақтап қалды. Бұл шешім алдын ала болжанған еді. Себебі, 2025 жылдың алғашқы жарты жылдығының қорытындысы бойынша жылдық инфляция 11,8%-ға жеткен. Бұл көрсеткіш әзірге шарықтау шегіне жетпеді деуге негіз бар. Өйткені бағаның өсуіне ықпал етіп отырған негізгі факторлар – коммуналдық қызмет тарифтері, импортқа тәуелділік және ауыл шаруашылығы өнімдерінің қымбаттауы. Ұлттық банк төрағасы Тимур Сүлейменовтің баспасөз мәслихатындағы мәлімдемесі қаржы нарығында кеңінен талқыланды. Ол ақша-несие саясатының жұмсаруынан гөрі, оның қатаңдай түсу мүмкіндігін ашық меңзеді. Осыдан кейін сарапшылар қауымдастығының пікірі бір арнаға тоғысты: қазіргі экономикалық жағдайда монетарлық саясатты сақтықпен, қатаң сипатта ұстау — орынды әрі қажет қадам.
