Inbusiness.kz хабарлауынша: «Қазақстандықтар банк қосымшасын пайдаланғаны үшін ақы төлеугемәжбүр болады. 2025 жылдың көктемінен бастап Қазақстанның банк секторында айтарлықтай өзгеріс орын алды. Енді қаржы ұйымдары SmartBridge платформасы арқылы мемлекеттік қызметтерді ұсыну үшін квазимемлекеттік «Ұлттық ақпараттық технологиялар» АҚ-мен (ҰАТ) ақылы келісімшарт жасауға міндеттеледі. Цифрлық даму, инновациялар жәнеаэроғарыш өнеркәсібі министрлігінің ресми жауабында, мұндай талап 2018 жылы бекітілген (2025 жылғы 25 наурызда өзгерістер енгізілген) электронды үкімет жүйесін интеграциялау ережелерінде көрсетілген. Осылайша, келісімшартсыз және төлем жасамай, ешбір жеке IT-жүйе, оның ішінде банк қосымшалары да, Smart Bridge арқылы мемлекеттік қызметтерге қосыла алмайды. Жиналған қаражат «ҰАТ» АҚ бюджетіне түседі. Компанияның100% акциясы Цифрлық даму министрлігіне тиесілі. Бұл қаражаттың жұмсалу тәртібі мен бағыты министрлік тарапынан жеке реттеледі. Қазіргі уақытта қандай банктердің келісімшартқа отырғаны жөнінде нақты ақпарат жарияланбаған. Дегенмен сарапшылар бұл шешімді елдің цифрлық даму бағытына әсер ететін маңызды кезең деп бағалап отыр.
Евразия24 пікірі:
Қазақстанда цифрлық технологияларды дамытуға бюджеттен жүздеген миллиард теңге жұмсалды. Алайда енді бұл жүйелерді пайдаланғаны үшін азаматтардың өзі тағы да ақы төлеуге мәжбүр болуы мүмкін. Ашық дереккөздерге сүйенсек, 2018–2022 жылдары «Цифрлық Қазақстан» бағдарламасын іске асыруға республикалық бюджеттен 141 миллиард теңге бөлінген. 2021 жылдың желтоқсанында Цифрлық даму министрлігі Бағдат Мусиннің басшылығымен «Цифрландыру, ғылым және инновациялар есебінен технологиялық серпіліс» атты ұлттық жобаны таныстырды. Жобаның жалпы құны — 2,2 триллион теңге, оның ішінде 1,4 триллионы — мемлекеттік қаржы. Осылайша, елде қалыптасқан қуатты цифрлық инфрақұрылым толығымен қазақстандық салық төлеушілердің есебінен қаржыландырылды. Егер банктер қосымша шығынды өтеу мақсатында мобильді қосымшаларын пайдаланғаны үшін ақы енгізсе, тұтынушы шығынға ұшырауы мүмкін. Яғни, қазақстандықтар, салық төлеуші ретінде, мемлекет қаржыландырған IT-инфрақұрылымның дамуына бұған дейін жанама түрде қатысты. Енді сол цифрлық шешімдерді пайдаланғаны үшін мемлекеттік компанияға екі есе, тіпті үш есе қымбат төлеуге мәжбүр болуы мүмкін.
