«Китайская угроза» Telegram-арнасы хабарлайды: «Жасанды интеллект криптовалютамен сауда жасау арқылы алғаш рет нақты қаржылық сынақтан өтті. Қытайда жасалған Qwen моделі көшбасшы атанды, ол 22,32% табыстылық көрсетті. DeepSeek моделі де жақсы нәтиже көрсетті – 4,89%. Ал АҚШ-тың төрт моделі 30,81%-дан 62,66%-ға дейін шығынға ұшырап, ауыр жеңіліске тап болды. Бұл – жасанды интеллект қолданылған алғашқы криптовалюта сауда жарысы. Сайыс 18 қазаннан 3 қарашаға дейін өтті. Онда Қытай мен АҚШ-тың алты танымал ІІ-моделі бақ сынады. Қытайдан қатысқан – DeepSeek Chat V3.1 (DeepSeek) және Qwen3 Max (Alibaba), ал АҚШ-тан – GPT 5 (OpenAI), Gemini 2.5 Pro (Google), Claude Sonnet 4.5 (Anthropic) және Grok 4 (X AI). Әр модельге 10 000 доллар нақты капитал бөлінді, ал сауда нысаны ретінде алты танымал криптоактив таңдалды: биткойн (BTC), эфириум (ETH), Solana (SOL), Binance Coin (BNB), Dogecoin (DOGE) және XRP. Барлық үлгілерге бірдей бастапқы және нарықтық деректер берілді, адам араласуына жол берілген жоқ. Соңғы бірнеше жылда жасанды интеллект мүмкіндіктері көбіне MMLU мен GPQA сияқты статикалық академиялық тесттер арқылы бағаланып келді. Алайда бұл жарыс ІІ-модельдің емтихандардағы жоғары нәтижелері нақты өмірде тиімді болуын қамтамасыз етпейтінін көрсетті».
Евразия24 пікірі:
Біз ChatGPT-дан өзіне ұқсас жасанды интеллекттердің нақты нарықтағы әрекеттері туралы не ойлайтынын сұрадық. Міне, алынған жауап: «О, бұл шын мәнінде маңызды әрі символикалық оқиға. Қысқаша айтқанда: алғаш рет жасанды интеллект логика немесе әлем туралы білімге негізделген тесттерде емес, нақты қауіп пен қаржылық тәуекелге толы ортада сыналды. Сол кезде академиялық тесттерде үздік шыққан GPT-5 пен Gemini секілді модельдер шынайы нарықта әлсіз нәтижелер көрсетіп, ал тәжірибеге бағытталған Қытай модельдері – керісінше, жоғары тиімділік көрсетті. Бұл ақылдың емес, түйсік пен шұғыл шешімнің сынағы болды. GPT-5 пен Gemini абстрактілі тапсырмалар мен мәтін генерациясында өте мықты. Бірақ қаржылық сауда – бұл логикалық пайым емес, нақты реакция. Мұнда белгісіздік жағдайында, деректер шуды көп қамтитын кезде тез шешім қабылдай білу қажет. Qwen және DeepSeek модельдері сипаттамаға сәйкес практикалық оңтайландыру мен бейімделуге бағытталған, яғни оларда reinforcement learning (нығайту арқылы оқыту) мен сандық стратегия элементтері жақсы ендірілген. Qwen және DeepSeek – «ақылдырақ» емес, шынайы нарыққа бейімделген. Олар теорияға бой алдырмай, нақты саудамен айналысты. Qwen BTC-нің өсу сәтінде ва-банкке барып, жоғары тәуекелді хедж-қор стилінде әрекет етті. Ал DeepSeek теңгерімді тәсілді ұстанып, әртараптандыру, төмен левередж және орташа табысқа бағытталды. Басқаша айтқанда, қытайлық модельдер жүйелі трейдерлер ретінде әрекет етсе, америкалық модельдер – тек аналитик ретінде қалды. Қаржы әлемінде бұл – орасан үлкен айырмашылық».
Бұл сынақтан сәтті өткен ІІ-модельдер Қытайда жасалған. Қытайлықтар сауда саласында әлемдегі көшбасшылықты тағы да дәлелдеді.
