Вашингтон, 9 шілде. Интерфакс – Америка Құрама Штаттары йемендік хуситтер тарапынан ұсталған Eternity C кемесінің экипаж мүшелерін ешқандай шартсыз және шұғыл түрде босатуға шақырды.
Бұл туралы АҚШ-тың Йемендегі елшілігінің коммюникесінде айтылды. Құжатта хуситтер бірнеше теңізшіні өлтіріп, кемені суға батырып, құтқару операциясына кедергі келтіргені, кейін аман қалған экипаж мүшелерінің көбін тұтқынға алғаны айтылған. «Біз оларды ешбір шартсыз дереу босатуға шақырамыз«, – делінген хабарламада.
Сонымен қатар, коммюникеде: «Хуситтер өздерінің террористік ұйымдар тізіміне енгізілуінің АҚШ тарапынан орынды болғанын тағы да дәлелдеп отыр«, – деп көрсетілген.
Eternity C Либерия туының астында жүзген және дүйсенбі күні Йеменнің Ходейда портының оңтүстік-батысындағы 90 шақырым жерде шабуылға ұшыраған. Кемеде 22 адамнан тұратын экипаж болған – 21 филиппиндік және бір ресейлік. Шабуыл салдарынан үш теңізші қаза тауып, кеме суға кеткен.
