Азия-Тынық мұхиты аймағындағы қор нарықтары бейсенбі күні негізінен оң динамика көрсетуде, тек Жапония нарығында ғана төмендеу байқалып отыр.
Нарықтардағы басты назар халықаралық саудадағы ахуалға ауған. Инвесторлар Вашингтонның тарифтерге қатысты жаңа мәлімдемелерін бағалауда.
Апта басында АҚШ президенті Дональд Трамп 1 тамыздан бастап АҚШ-қа әкелінетін тауарларға кедендік баж салығын енгізетіні жөнінде оннан астам елдің басшыларына, оның ішінде Жапония мен Оңтүстік Кореяға да ресмихат жолдады.
Сондай-ақ Трамп 1 тамыздан бастап мыс импортына 50% мөлшерінде тариф енгізетінін жариялады. Жақын уақытта фармацевтикалық өнімдерге де кедендік салықтар салынуы мүмкін екені айтылуда.
Қытайдың Shanghai Composite индексі 0,56%-ға, ал Гонконгтағы Hang Seng 0,23%-ға өсті. Hang Seng индексінің құрамындағы Sunny Optical Technology Group (+6,1%), BYD Electronic (+5,8%) және ZTO Express (+5%) акциялары айтарлықтай өсім көрсетті.
Ал Wharf Real Estate (-4%), BYD Co. және JD.com (-2,3%) компаниялары құн жоғалтты. Xiaomi (-0,7%), Netease Inc. (-2,3%), Baidu Inc. (-1,8%), Meituan(-0,8%), Alibaba (-1,6%) және Lenovo (-0,3%) да төмендеді. Мұнай секторында CNOOC және Petro China Co. капитализациясы тиісінше 1,3% және 1,2%-ға артты.
Жапонияның Nikkei 225 индексі 0,69%-ға төмендеді. Маусым айында елдегі өндіруші бағалар жылдық есептеуде 2,9%-ға өсіп, бұл 2024 жылғы тамыздан бергі ең төменгі көрсеткіш болды. Айлық есеппен баға 0,2%-ға түсті. Технологиялық сектордағы Disco Corp. (+4,2%), Socionext (+2,4%) және Advantest (+1,7%) сияқты компаниялар өсім көрсетті, ал Nikon Corp. (-5,4%), Tokyo Electric Power Co. (-5%) және Aeon Co. (-4,6%) ең көп құн жоғалтты. Mazda Motor (-2,6%), Toyota Motor (-0,9%) және Nissan Motor (-0,4%) сияқты автокөлік өндірушілер де құлдырады.
Оңтүстік Кореяның Kospi индексі 1,27%-ға өсті. Елдің Орталық банкі пайыздық мөлшерлемені 2,5% деңгейінде сақтап қалды. Бұл шешім АҚШ—тың тарифтері, тұрғын үй бағасының өсуі және халықтың қарызына байланысты қабылданды. Samsung Electronics акциялары 0,8%-ға, ал Posco0,6%-ға көтерілді. Hyundai Motor акциялары 0,2%-ға төмендеді. Австралияның S&P/ASX 200 индексі 0,62%-ға өсіп, кен өндіруші компаниялар айтарлықтай өсім көрсетті: Liontown Resources (+6,7%), Evolution Mining (+4%), Vault Minerals (+3,2%), Perseus Mining (+3,8%), Bellevue Gold (+3,6%), BHP (+1,5%) және Rio Tinto (+1%). Ал Coronado Global Resources (-6,5%), Domino’s Pizza Enterprises (-3,7%) және Telix Pharmaceuticals (-3,2%) ең көп төмендегендер қатарында болды.
