Берлин. 14 қараша. ИНТЕРФАКС-ҚАЗАҚСТАН – Германия канцлері Фридрих Мерцтің мәлімдеуінше, Еуроодақ Ресейге қарсы кезекті санкциялар пакетін келесі апталарда дайындауды жоспарлап отыр.
«Біз Еуроодақта алдағы апталарда келесі санкциялар пакетін дайындайтын боламыз», – деді Мерц жұма күні Кипр президенті Никос Христодулидиспен өткізген бірлескен баспасөз мәслихатында.
Канцлердің айтуынша, Еуропалық Одақ Ресейге қысым жасауды жалғастырып, қолданыстағы санкцияларды айналып өтуге қарсы күрес жүргізетін болады.
Еске сала кетейік, 8 қараша күні Еурокомиссияның қаржылық қызметтер жөніндегі комиссары Мария Луис Альбукерке Литваға сапары барысында ЕО Ресей мен Беларуське қарсы 20-шы санкциялар пакетін әзірлеуді бастағанын хабарлаған болатын.
