Брюссель. 11 ақпан. ИНТЕРФАКС – Еуропарламент депутаттары Страсбургте өткен пленарлық отырыста 2026–2027 жылдарға арналған Украинаға 90 млрд еуро көлемінде несие беру туралы шешімді қолдады.
Еурокомиссияның (ЕК) тиісті ұсынысы 458 депутаттың қолдауына ие болды, 140 парламентарий қарсы дауыс берді, 44-і қалыс қалды.
ЕП отырысына ұсынылған материалдарда 2025 жылғы 23 қазанда ЕО-ға мүше 26 мемлекет ЕК-ке Украинаға қаржылай қолдау көрсету жөніндегі ұсынысты жедел түрде әзірлеуді тапсырғаны еске салынған. Еурокомиссия қаржыландырудың бірнеше тетігін ұсынды. Еуропалық кеңес Украинаға 2026–2027 жылдары 90 млрд еуро көлемінде несие беруге келісті. Қаражат ЕО бюджетінің кепілдігімен капитал нарықтарынан тартылатын займ есебінен ұсынылады.
Сонымен қатар несиені өтеу Ресейден алынуы көзделіп отырған репарациялар есебінен жүзеге асатыны атап өтілген.
Бөлінетін 90 млрд еуроның 60 млрд еуросы Украинаның қорғаныс қажеттіліктеріне бағытталмақ.
Енді бұл регламент бойынша несиені беру жөніндегі түпкілікті шешімді ЕО Кеңесі қабылдауы тиіс.
