Берлин. 7 мамыр. ИНТЕРФАКС – Халықаралық олимпиада комитеті (ХОК) Ресейдің Олимпиада комитетімен (РОК) сындарлы байланыстар орнатылғанын хабарлады, алайда әзірге оның мүшелігін қалпына келтіруді жоспарлап отырған жоқ.
«РОК тоқтатылған мүшелік мәселесі бойынша ХОК-пен сындарлы байланыс орнатты. Дегенмен, ХОК-тың заң мәселелері жөніндегі комиссиясы бұл тақырыпты зерделеуді жалғастырып жатқандықтан, мүшелікті тоқтата тұру туралы шешім өз күшінде қалады», — делінген ХОК-тың бейсенбі күні жарияланған баспасөз хабарламасында.
Сонымен қатар, ХОК Дүниежүзілік антидопинг агенттігінен (WADA) Ресейдегі антидопинг жүйесінің жұмысындағы ықтимал ақаулар туралы алынған жаңа деректер бойынша қосымша ақпарат алуды көздеп отыр. ХОК бұл мәселенің алаңдаушылық туғызатынын атап өтті.
ХОК президенті Кирсти Ковентри атап өткендей, комитетте РОК мүшелігін қалпына келтіру туралы шешім қабылдауды шектейтін нақты кесте жоқ. «Бізде белгіленген уақыт шеңбері қарастырылмаған», — деді Ковентри баспасөз мәслихатында.
Сондай-ақ ол ХОК-тың WADA-мен байланыста екенін және одан жаңа ақпарат күтетінін мәлімдеді.
РОК-тың ХОК-қа мүшелігі 2023 жылы Украина дағдарысына байланысты тоқтатылған болатын.
