Мадрид. 7 маусым. ИНТЕРФАКС – Жексенбі күні Мадридте өткен Рим папасы Лев XIV өткізген құлшылық рәсімінн 1 миллионнан астам адам қатысты. Бұл туралы El País хабарлады.
Ұйымдастырушылардың мәліметінше, діни рәсімге 1,2 миллион сенуші жиналған. Ал жергілікті билік қатысушылар санын 1,1 миллион адам деп бағалап отыр.
Сибелес алаңы мен оған іргелес аумақтарға сыймаған адамдар үшін қала бойынша 42 алып экран орнатылған.
Басылымның жазуынша, Мадридте аптап ыстыққа қарамастан, мыңдаған адам мессаға қатысу үшін жиналған.
Месса барысында понтифик саясаткерлердің христиандық құндылықтарды өз мақсаттарына сай бұрмалап түсіндіруі мен пайдалануын сынға алған.
Лев XIV нақты қай саясаткерді меңзегенін айтпаған. Алайда батыстық бұқаралық ақпарат құралдары бұған дейін понтифик пен АҚШ президенті Дональд Трамп арасында бірқатар мәселелер бойынша келіспеушіліктер болғанын хабарлаған.
Атап айтқанда, Ватиканда Ақ үйде айтылған Құдай АҚШ-тың Иранға жасаған соққыларын қолдар еді деген сипаттағы пікірлер сынға алынған.
