Астана. 11 мамыр. ИНТЕРФАКС-ҚАЗАҚСТАН – Мажарстан Премьер-министрі лауазымына кіріскен Петер Мадьяр Қазақстан Президенті Қасым-Жомарт Тоқаевтың құттықтауына алғыс білдіріп, жауап хат жолдады. Бұл туралы дүйсенбі күні Қазақстан басшысының баспасөз қызметі хабарлады. Петер Мадьяр өз хатында TISZA («Тиса») партиясының сайлаудағы жеңісімен құттықтағаны үшін ризашылығын жеткізген.
«Премьер-министр Қазақстанды Мажарстанның Орталық Азиядағы негізгі серіктесі деп атап, түрлі салалардағы өзара іс-қимылды одан әрі нығайтуға дайын екенін растады», — делінген баспасөз қызметінің мәліметінде.
Мадьяр жетекшілік ететін «Тиса» партиясы 12 сәуірде өткен парламенттік сайлауда жеңіске жетті. Ол Мажарстан үкіметін 16 жыл бойы басқарған Виктор Орбанның («Фидес» партиясы) орнына келді. Өткен сенбіде жаңа Премьер-министрдің ұлықтау рәсімі (инаугурациясы) өтті.
