Дели. 28 қазан. Интерфакс – «Монта» тропикалық дауылы сейсенбі күні кешке Үндістан жағалауына жетеді деп күтілуде. Бұл туралы The Times of India басылымы хабарлайды.
Синоптиктердің мәліметінше, желдің екпіні 90–100 км/сағ жылдамдыққа дейін жеткен дауыл елдің оңтүстік-шығысындағы Андхра-Прадеш штатына қарасты Какінада қаласына таяу аймаққа соқпақ. Құрлыққа жақындаған сәтте желдің жылдамдығы 110 км/сағ деңгейіне дейін ұлғаюы мүмкін.
Дауылға байланысты 183-ке жуық пойыз бағыты өзгертіліп, бірқатар рейстер тоқтатылды. Өңірде нөсер жауын мен қатты жел күтіледі. Билік өкілдері жел ағаштар мен электр желілерін құлатып, жарық пен байланыс жүйелерінің жұмысында кідірістер туындауы ықтимал екенін ескертті.
Жергілікті ақпарат құралдарының хабарлауынша, дүйсенбі күні алдын ала қауіпсіздік шаралары шеңберінде 50 мыңнан астам адам эвакуацияланып, арнайы орталықтарға орналастырылған. Оның ішінде жүктіліктің соңғы мерзіміндегі 800-ге жуық әйел ауруханаларға тасымалданған.
Соңғы деректерге сәйкес, «Монта» циклоны Какінада қаласынан оңтүстік-шығысқа қарай шамамен 240 шақырым қашықтықта орналасқан.
