Астана. 21 мамыр. ИНТЕРФАКС-ҚАЗАҚСТАН — Қазақстанда 2025 жылы салық дауларының көбеюі аясында шамамен 900 млрд теңге көлеміндегі қосылған құн салығын (ҚҚС) қайтару тоқтатылған. Бұл туралы Қазақстан Республикасының Жоғары аудиторлық палатасы мүшесі Юлия Энгель мәлімдеді.
«Жоғары аудиторлық палатаның бағалауынша, 2025 жылы 2026 жылға жоспарланған төлемдердің 154 млрд теңгесі бюджетке алдын ала есептелді және шамамен 900 млрд теңге көлеміндегі ҚҚС қайтару тоқтатылды», – деді Энгель бейсенбі күні Мәжілісте республикалық бюджеттің 2025 жылғы атқарылуы туралы есептердің таныстырылымында.
Оның айтуынша, елде салықтық бақылаудың сапасы мен тиімділігі төмендеген. 2025 жылы салықтық есептеулерге қатысты сот дауларының көлемі екі еседен астам өскен. Сонымен қатар соңғы төрт жылда даулы сомалардың жартысынан көбі сот шешімімен салық төлеушілердің пайдасына шешілген.
Азамат Әмрин Мәжіліс кулуарында журналистерге ҚҚС қайтару мәселесіне қатысты пікір білдіріп, салық төлеушілердің талаптары негізді ме, жоқ па — алдымен соған тексеру жүргізілетінін айтты.
Оның сөзінше, егер заңбұзушылық анықталмаса, ҚҚС қайтарылады. Ал салық төлеушілер қабылданған шешімге сот тәртібімен шағымдануға құқылы.
«Мүмкін қандай да бір заңбұзушылықтар бар шығар. Бұл көрсеткіштерді мұқият қарау қажет. Жеке өзім салық органдарының ұстанымына сенемін. Еш негізсіз ҚҚС қайтарылмай қалуы мүмкін емес. Тіпті салық органдары қателескен жағдайда да, салық төлеуші сотқа жүгіне алады», – деді вице-министр.
21 мамырдағы ресми бағам бойынша 1 АҚШ доллары 471,77 теңгені құрайды.
