АСТАНА. 11 қараша. ИНТЕРФАКС-ҚАЗАҚСТАН – Қазақстан Президенті Қасым-Жомарт Тоқаевтың Жарлығымен Корольдік Бахрейн мен Конго Республикасындағы Қазақстан Республикасының елшілері тағайындалды. Бұл туралы Мемлекет басшысының баспасөз қызметі хабарлады.
Мемлекет басшысының Жарлығына сәйкес, Сауд Арабиясы Корольдігіндегі Қазақстан Республикасының Елшісі, сондай-ақ Ислам ынтымақтастығы ұйымы жанындағы Тұрақты өкілі Малдияр Меңілбеков Бахрейн Корольдігінде қоса атқару тәртібімен елші болып тағайындалды.
Сондай-ақ, Қазақстанның Португалия Республикасындағы Елшісі Жан Ғалиев Конго Республикасындағы елші қызметін де қоса атқаратын болды.
