Астана. 15 тамыз. ИНТЕРФАКС-ҚАЗАҚСТАН – Қазақстан Президенті Қасым-Жомарт Тоқаев Үндістан Республикасының Тәуелсіздік күніне орай елдің премьер-министрі Нарендра Модиге құттықтау жеделхатын жолдады, деп хабарлады Ақорданың баспасөз қызметі.
Мемлекет басшысы құттықтау жеделхатында Үндістанның халықаралық қатынастардағы маңызды рөлін атап өтіп, елдің экономикадағы елеулі жетістіктері мен зор ғылыми-техникалық әлеуетіне жоғары баға берді.
Президент Қазақстан мен Үндістан арасындағы стратегиялық әріптестіктің дәйекті дамып келе жатқанын да атап өтті. Сондай-ақ түрлі салалардағы өзара ықпалдастықты одан әрі тереңдетуге мол мүмкіндік бар екеніне назар аударды.
Қасым-Жомарт Тоқаев Нарендра Модиге жауапты қызметінде табыс, ал достас Үндістан халқына бақ-береке мен өркендеу тіледі.
Үндістанның Тәуелсіздік күні 15 тамызда атап өтіледі. Бұл мереке елдің 1947 жылы Ұлыбританиядан тәуелсіздік алуына орай белгіленген.
