Вашингтон. 3 қаңтар. ИНТЕРФАКС – Тринидад және Тобагоның Сыртқы істер министрлігі елдің АҚШ-тың Венесуэлада жүргізген операциясына қатысы жоқ екенін мәлімдеді, деп хабарлады сенбі күні CNN телеарнасы. Министрліктің мәлімдемесінде: «Тринидад және Тобаго Венесуэла халқымен бейбіт қарым-қатынасты сақтауды жалғастырады», – делінген.
Сонымен қатар телеарна Тринидад және Тобагоның Венесуэламен шекаралас ел ретінде бұрын АҚШ-пен әскери ынтымақтастық орнатқанын еске салады. Атап айтқанда, ел америкалық әскери ұшақтарға өз әуежайлары арқылы транзиттік ұшуға рұқсат беріп, АҚШ әскерилеріне өз аумағында радар орнатуға мүмкіндік жасаған, сондай-ақ бірлескен жаттығулар өткізген.
Бұған дейін АҚШ президенті Дональд Трамп сенбі күні таңертең америкалық әскерилер Венесуэлаға шабуыл жасап, ел президенті Николас Мадуро мен оның зайыбын ұстап, елден алып шыққанын растаған болатын. Ал Венесуэланың Сыртқы істер министрі Иван Хиль бұл әрекетке байланысты БҰҰ Қауіпсіздік Кеңесінің шұғыл отырысын шақыру ниетін білдірді.
