Астана, 21 қаңтар. ИНТЕРФАКС-ҚАЗАҚСТАН — Қазақстан билігі ағымдағы жылы инфляция деңгейін өткен жылдың қорытындысы бойынша тіркелген 12,3%-дан 9–11%-ға дейін төмендетуді көздеп отыр. Бұл туралы Премьер-министрдің орынбасары — Ұлттық экономика министрі Серік Жұманғарин мәлімдеді.
«Инфляцияны 9–11%, орта есеппен 10% деңгейіне дейін төмендету үшін тиісті шаралар қабылданады», — деді Серік Жұманғарин сәрсенбі күні Үкімет отырысында.
Оның айтуынша, инфляцияны төмендету отандық азық-түлік өндірісін ұлғайту арқылы ішкі нарықты толық қамтамасыз ету, тауар нарықтарындағы теңгерімді бақылау, сондай-ақ өнімді тиімді сақтау мен тасымалдауға арналған инфрақұрылымды дамыту есебінен жүзеге асырылмақ.
