Астана. 22 қаңтар. ИНТЕРФАКС-ҚАЗАҚСТАН – Қазақстан қор биржасында (KASE) өткен бейсенбідегі сауда нәтижелері бойынша теңгенің АҚШ долларына қатысты орташа өлшенген бағамы сәрсенбімен салыстырғанда 0,2%-ға (0,99 теңгеге) нығайып, 1 доллар үшін 505,71 теңгені құрады, деп хабарлады KASE.
Сәрсенбі күні орташа өлшенген бағам 1 доллар үшін 506,70 теңге болған.
Шетел валюталарымен сауда-саттық барысында Астана уақытымен 17:00-де теңгенің АҚШ долларына қатысты орташа өлшенген бағамы 505,71/$1 деңгейінде қалыптасты.
Ең төменгі бағам – 504,36/$1, ең жоғарғысы – 506,70/$1, жабылу бағамы – 505,55/$1.
KASE деректеріне сәйкес, бейсенбі күні доллармен жасалған сауданың жалпы көлемі “сквозной” сессия қорытындысы бойынша $383,409 млн болды, ал сәрсенбіде бұл көрсеткіш $262,562 млн еді. Мәмілелер саны – 881.
Қазақстан қаржыгерлер қауымдастығының жетекші аналитигі Алмат Орақбайдың пікірінше, бейсенбі күні теңгенің нығаюы нарық қатысушыларының Ұлттық банктің алдағы отырысына байланысты күтулерімен байланысты болуы мүмкін.
Сауда қорытындысы бойынша доллар бағамы 505,71 теңгеге дейін төмендеді, ал сауда көлемі айтарлықтай өсіп, $383,4 млн-ға жетті (+$120,8 млн).
23 қаңтарға арналған теңгенің шетел валюталарына қатысты бағамдары:
-
1 еуро – 591,04 теңге
-
1 Ресей рублі – 6,66 теңге
-
1 юань – 72,64 теңге
22 қаңтарға белгіленген ресми бағам:
1 доллар = 506,70 теңге
Қолданыстағы ресми бағамды анықтау тәртібіне сәйкес, 23 қаңтардағы ресми бағам 505,71 теңге/$1 болады.
