Стамбул. 30 қаңтар. ИНТЕРФАКС – Түркия Президенті Режеп Тайип Ердоған мен Иран Президенті Масуд Пезешкиан телефон арқылы сөйлесу барысында Таяу Шығыс өңіріндегі ахуалды талқылады. Бұл туралы жұма күні Анадолу агенттігі хабарлады.
Агенттік мәліметінше, әңгіме барысында Түркия мен Иран арасындағы екіжақты қатынастар, сондай-ақ өңірдегі әскери шиеленістің күшеюі мәселелері сөз болған.
Бұған дейін жұма күні Стамбулға Иранның сыртқы істер министрі Аббас Аракчи келгені хабарланған.
Еске салсақ, сәрсенбі күні Дональд Трамп егер Тегеран Вашингтонмен ядролық бағдарлама бойынша келісімге келмесе, АҚШ әскерилері Иранға өткен жылғы жаздағыдан да жойқын соққы беруге дайын екенін мәлімдеген еді. Ал АҚШ Мемлекеттік хатшысы Марко Рубио Вашингтонның Иранға алдын ала соққы беру мүмкіндігін де жоққа шығармады.
Өз кезегінде Иран билігі АҚШ тарапынан жасалатын кез келген әрекетке жауап беруге дайын екенін мәлімдеді. Атап айтқанда, Ислам революциясы сақшылар корпусы Иран Қарулы күштерінің кез келген қақтығыс сценарийіне арналған іс-қимыл жоспарлары бар екенін атап өтті.
