Астана. 9 ақпан. ИНТЕРФАКС-ҚАЗАҚСТАН — Қазақстан Республикасы Президенті Әкімшілігінің ішкі саясат бөлімінің меңгерушісі қызметіне Елнұр Бейсенбаев тағайындалды. Бұл туралы дүйсенбі күні Мемлекет басшысының баспасөз қызметі хабарлады.
«Мемлекет басшысының өкімімен Бейсенбаев Елнұр Сабыржанұлы Қазақстан Республикасы Президенті Әкімшілігінің ішкі саясат бөлімінің меңгерушісі болып тағайындалды», — делінген баспасөз қызметінің хабарламасында.
Қазіргі қызметіне дейін 39 жастағы Елнұр Бейсенбаев «Аманат» партиясының партиялық тізімі бойынша Мәжіліс депутаты болған.
Президент Әкімшілігінің ішкі саясат бөлімін 2025 жылдың желтоқсан айынан бастап Айбек Смадияров басқарған. Алайда биылғы қаңтардың соңында ол Президенттің кеңесшісі әрі баспасөз хатшысы болып тағайындалды.
