Астана. 17 наурыз. ИНТЕРФАКС-ҚАЗАҚСТАН – Жақын уақытта парламент қарауына конституциялық заңдар енгізіледі. Бұл туралы республика президенті Қасым-Жомарт Тоқаев мәлімдеді.
«Жақын арада парламенттің қарауына бес жаңа конституциялық заң енгізіледі: Президент туралы, Құрылтай туралы, Халық кеңесі туралы, сондай-ақ астананың мәртебесі мен елдің әкімшілік-аумақтық құрылысы туралы», – деді Тоқаев сейсенбі күні жаңа Конституцияның қабылдануына арналған салтанатты іс-шарада.
«Сонымен қатар тағы сегіз конституциялық заң мен 60-тан астам заңға, оның ішінде негізгі кодекстерге жүйелі түрде өзгерістер енгізу қажет болады», – деп атап өтті ол.
Мемлекет басшысы заң шығару процесі алдағы парламенттік сайлаумен үйлестірілетінін де нақтылады.
