Energy Monitor хабарлайды: «Президент Әкімшілігі жетекшісінің Петербург халықаралық экономикалық форумына қатысып, келісімшарттарға қол қойғанын бірінші рет көріп тұрмын».
Еуразия24 пікірі:
Энергетика саласының сарапшысы Нұрлан Жұмағұлов өте қызықты пікір білдірді. Шындығында да, Санкт-Петербургке «Газпроммен» келіссөз жүргізуге Энергетика министрі Ерлан Ақкенженов емес, неліктен бірден Роман Склярдың өзі аттанды? Біздің ойымызша, жауап — Президент Әкімшілігінің жаңа жетекшісінің беделі мен лауазымдық салмағында жатыр. Роман Скляр Әкімшілікке ауысқанымен, өнеркәсіп пен энергетика саласының жілігін шаққан кәсіби маман ретіндегі рөлін жоғалтқан жоқ. Оның үстіне, ол қазіргі уақытта ERG Директорлар кеңесінің құрамына кіреді. Ал Еуразиялық топ өзінің ферроқорытпа, алюминий және тау-кен байыту өндірістерін газдандыруға аса мұқтаж.
Роман Скляр мен Алексей Миллердің кездесуінен кейін «Газпром»: «Тараптар газ саласындағы стратегиялық серіктестікке жоғары баға берді. Жекелей алғанда, «Газпромның» республикаға газды сенімді жеткізуді қамтамасыз етуге және Орталық Азияның энергетикалық қауіпсіздігін нығайтуға қосқан қомақты үлесі атап өтілді», — деп хабарлады. Бұл мәлімдеме «Газпромның» аймақтағы, оның ішінде өнеркәсіпті газдандыру бағытындағы экономикалық мүддесін тағы бір мәрте дәлелдей түседі. Жалпы алғанда, газ алыбымен жасалған келісімшартқа Энергетика министрінің емес, Президент Әкімшілігі басшысының қол қоюы — бұл құжаттың саяси әрі экономикалық салмағы мүлдем бөлек екенін көрсетсе керек. Склярдың қол қою себебі де содан туындаса керек.
