Астана. 21 маусым. ИНТЕРФАКС-ҚАЗАҚСТАН — Президент Қасым-Жомарт Тоқаев 22–23 маусым күндері Брюссель қаласына ресми сапармен барады. Бұл туралы Ақорданың баспасөз қызметі хабарлады.
Сапар барысында Мемлекет басшысы Антониу Кошта және Урсула фон дер Ляйенмен келіссөздер өткізеді. Кездесулерде Қазақстан мен Еуропалық Одақ арасындағы кеңейтілген әріптестік пен ынтымақтастықты нығайту мәселелері талқыланады.
Сапар бағдарламасында сондай-ақ Барт Де Вевермен кездесу жоспарланған.
Бұдан бөлек, Қасым-Жомарт Тоқаев ірі еуропалық компаниялар басшылары қатысатын «Қазақстан – ЕО» дөңгелек үстеліне қатысып, бірқатар екіжақты кездесулер өткізеді.
