АСТАНА. 3 қыркүйек. ИНТЕРФАКС-ҚАЗАҚСТАН — Қазақстан Президенті Қасым-Жомарт Тоқаев Дәурен Қосановты Қорғаныс министрі, Ержан Сәденовті Ішкі істер министрі қызметіне қайта тағайындады.
Тиісті жарлықтар бейсенбі күні Мемлекет басшысының ресми сайтында жарияланды.
56 жастағы Қосанов Қазақстанның Қорғаныс министрі қызметін 2025 жылғы маусымнан бері атқарып келеді. Бұған дейін ол Қорғаныс министрінің орынбасары — Қазақстан Қарулы күштері Әуе қорғанысы күштерінің бас қолбасшысы болған.
57 жастағы Сәденов Қазақстанның Ішкі істер министрі қызметіне 2023 жылғы қыркүйекте тағайындалған. Оған дейін, 2022 жылғы қаңтардан бастап Ішкі істер министрінің орынбасары қызметін атқарған.
Қазақстан Үкіметі 28 тамызда жаңадан сайланған Құрылтай алдында өкілеттігін тоқтатты. Президент жарлығына сәйкес, Үкімет мүшелері Министрлер кабинетінің жаңа құрамы бекітілгенге дейін міндеттерін атқаруды жалғастырды.
31 тамызда Президент Олжас Бектеновті Премьер-министр қызметіне тағайындады. Ол Үкімет өкілеттігі тоқтатылғанға дейін де Министрлер кабинетін басқарған.
