Евразия24ЖаңалықтарМексикада ірі Меса-Флорес есірткі картелінің басшысы ұсталды

Мексикада ірі Меса-Флорес есірткі картелінің басшысы ұсталды

|

|

Мадрид. 22 қараша. ИНТЕРФАКС – Мексиканың Синалоа штатындағы Гуасаве муниципалитетінде Мексика мен АҚШ күштік құрылымдарының бірлескен операциясы барысында Меса-Флорес есірткі картелінің басшысы Фаусто Исидро Меса Флорес ұсталды. Эль Чапо Исидро деген атпен танымал ол АҚШ Федералдық тергеу бюросы (ФТБ) іздеу жариялаған аса қауіпті қылмыскерлердің бірі болған. Бұл туралы ЭФЭ ақпарат агенттігі хабарлады.

«Операцияға Ұлттық гвардияның арнайы жасағы мен армияның арнайы бөлімшесі, сондай-ақ АҚШ барлау қызметінің мамандары қатысты. Ұстау кезінде қылмыскерлер қарулы қарсылық көрсетіп, оқ атып, жарылғыш құрылғыларды қолданды. Ұсталғандардың жеке басы анықталғаннан кейін олар әрі қарай тиісті процессуалдық шараларды жүргізу үшін Мексика әскери-әуе күштерінің ұшағымен Мехико қаласына жеткізілді», – делінген хабарламада.

Исидромен бірге оның ең жақын екі сыбайласы да ұсталды. Олардың бірі картель басшысының орынбасары болса, екіншісі ұйымның қаржы қызметін бақылаған.

Исидро 2025 жылдың ақпанынан бері ФТБ іздеу жариялаған аса қауіпті он қылмыскердің тізімінде болған. АҚШ билігі оған метамфетамин, кокаин, героин және марихуана өндіріп, оларды Америка Құрама Штаттарына заңсыз жеткізу және тарату мақсатында сөз байласу, сондай-ақ атыс қаруын заңсыз сақтау және қолдану айыптарын тағып отыр.

Америкалық құқық қорғау органдарының мәліметінше, картель бірқатар кісі өлтіру, адам ұрлау, азаптау және бопсалау қылмыстарына, сондай-ақ Синалоа штатындағы бірнеше құқық қорғау қызметкерінің өліміне қатысы бар деп күдікке ілінген. АҚШ-та Эль Чапо Исидроны экстрадициялау туралы ордер берілген. ФТБ оның қайда жүргені туралы ақпарат бергендерге 5 млн долларға дейін сыйақы тағайындаған.

Есірткі картелінің басшысын ұстау жөніндегі бірлескен операциядан кейін Аоме, Гуамучиль, Гуасаве және Наволато муниципалитеттерінде тәртіпсіздіктер басталды. Көшелерде автокөліктер мен жанармай құю бекеттері өртеніп, тікұшақтардан оқ атылды. Бейсбол матчы өтіп жатқан стадион маңында да атыс дауыстары естіліп, көрермендер үрейленіп, жан-жаққа қаша бастаған.

Хабарламада картель басшылары ұсталған кезде қылмыстық топтардың осылайша күш көрсетуі Мексикада жиі кездесетін жағдай екені атап өтілді.

Перепечатка и копирование материалов допускаются только с указанием ссылки на eurasia24.media

Бөлісу:

Читать далее:
Related

Иран Ислам революциясы сақшылар корпусы Бахрейндегі америкалық Patriot жүйесінің радарларына соққы бергенін мәлімдеді – БАҚ

Иранның Ислам революциясы сақшылар корпусы (ИРСК) баллистикалық зымырандар мен ұшқышсыз ұшу аппараттарын қолданған кешенді операция барысында Бахрейнде орналасқан америкалық Patriot зениттік зымыран кешендерінің екі радиолокациялық станциясына соққы бергенін мәлімдеді. Бұл туралы Иранның мемлекеттік телерадиокомпаниясы хабарлады.

АҚШ әскери қызметшілеріне канадалық әріптестерімен бейресми қарым-қатынасты шектеу тапсырылды

АҚШ Соғыс министрлігі америкалық әскери қызметшілерге қызметтік қажеттілік болмаса, канадалық әріптестерімен қарым-қатынасты азайтуды тапсырды. Бұл туралы The New York Times (NYT) газеті АҚШ сенаторы Майк Раундзға сілтеме жасап хабарлады.

Ұзақ мерзімді бюджеттің жаңа жобасы Еурокомиссия ұсынған нұсқамен салыстырғанда 204 млрд еуроға қысқарады

Еуропалық кеңестің төрағасы Антониу Кошта сенбі күні Еуропалық одаққа мүше мемлекеттерге 2028–2034 жылдарға арналған ұзақ мерзімді бюджеттің жаңа жобасын ұсынды. Құжатта қорғаныс саласына жұмсалатын шығындарды 232 пайызға арттыру көзделген.

Варшава Польша аумағына түскен зымырандарға қатысты мәселені ЕО деңгейінде көтермек – СІМ басшысы

Польша өкілдері елдің әуе кеңістігіне зымырандардың енуіне қатысты жағдайды Еуропалық одақ деңгейінде талқылауды жоспарлап отыр. Бұл туралы сенбі күні Польшаның сыртқы істер министрі Радослав Сикорский мәлімдеді.