Көрші елдің экономикасы құлдырай бастағанын «Atameken Business» медиахолдингі хабарлады.
Мұндай ахуал Қазақстан Үкіметін де алаңдатуы тиіс. Себебі көршінің экономикасы шайқала бастағанда, біздің де қарап отыруымызға болмайды. Мұндай жағдайда уақыт оздырмай, нақты бағдарламалар қабылдап, оларды шұғыл әрі тиімді жүзеге асыру маңызды.
Ресей экономикасындағы дағдарыстың ушығуы Қазақстан үшін тиімсіз. Өйткені еліміздің экономикасы көрші мемлекетпен тығыз байланыста жәнеоған тәуелді. Ресейдегі экономикалық қиындықтар Қазақстандағы жағдайғада тікелей әсер етуі мүмкін.
Еуразия24 пікірі:
Ресей экономикасының құлдырай бастағаны жөніндегі пікірді негіздеу үшін бірқатар ақпарат құралдарына сілтеме жасалады. Онда ресейлік экономистердің көңіл-күйі «қаралы» екені айтылып, дүкендерде нан тілімдеп сатыла бастағаны және «тірі қалу курстарына» сұраныс күрт өскені туралы мәліметтер келтірілген.
Дегенмен, материалдың өзінде бұдан салмақтырақ дәйектер де бар. Атап айтқанда, Ресейдің Орталық банкінің және үкіметтің экономикалық блогының басшыларына тиесілі ресми пікірлер келтірілген.
Алайда «экономика құлдырап жатыр» деу тым асыра айтылған баға секілді. Бұл жерде нақты экономикалық талдаудан гөрі, Батыс пен Ресей арасындағы әскери-саяси текетірестің жалғаса беруіне мүдделі тараптардың үміті көбірек байқалады.
Рецессия қаупі, ал кейбір көрсеткіштер бойынша – нақты құлдырау процесінің басталып кеткені, сондай-ақ көмір, металлургия және бірқатар басқа салалардағы дағдарыстар – бұл шындыққа әлдеқайда жақын сипаттама.
Украина мен Ресей арасындағы соғыс — бір жағынан ішкі азаматтық қақтығыс сипатында болса, екінші жағынан Ресей мен Еуропа арасындағы тарихи тартыстың жалғасы, әрі әлемдік тәртіптің қайта бөлінуіне себеп болған жаһандық гибридті соғыстың шебі саналады.
Батыстың санкциялық қысымымен долларлық сауда-қаржы кеңістігінен іргесі бөлініп бара жатқан Ресей, шикізаттық экспортқа негізделген экономикасы мен батыс үлгісіндегі қаржылық-монетарлық жүйесімен Батыспен күресін жалғастырып келеді. Қырым, ДХР және ЛХР төңірегіндегі шиеленістен бастау алған бұл қарсылықтың жалғыз логикалық жалғасы – терең құрылымдық реформалар. Мұндай өзгерістер ел ішінде экономикалық құлдыраулар мен тұрақсыздықтар тудыруы мүмкін, бірақ олардан айналып өту мүмкін емес. Ең қызығы – Украинадағы қарулы кезең аяқталған соң, Ресейдің өз ішінде банктік және монетарлық саясат төңірегіндегі күрес одан сайын ушыға түсуі ықтимал.
Дегенмен, «құлдырап жатыр» деу – мәселенің тек бір жағын көру болар. Мысал ретінде мынадай жаңалықты келтіруге болады: «Ресейдің халықаралық резервтері тарихи рекорд орнатты» – деп хабарлайды БАҚ.
Бұл ахуал біз үшін де маңызды. Сондықтан Қазақстан билігінің бұл процестерден шет қалмай, әрекет етуі – уақыт талабы.
