Саясаттанушы Данияр Әшімбаевтың пайымдауынша: «Кейбір ақпарат құралдары Мемлекет басшысы Ұлттық қорды басқару жөніндегі кеңес құрды деп, түрлі конспирологиялық болжамдар таратып жатыр. Бірақ шын мәнінде, бұл кеңес 2001 жылғы 29 қаңтардан бері жұмыс істеп келеді және оны лауазымы бойынша ел Президенті басқарады.
2015 жылғы 16 қарашада Кеңестің құзыретіне Бірыңғай жинақтаушы зейнетақы қорының активтерін басқару мәселелері бойынша Президентке ұсыныстар әзірлеу функциясы да енгізілген болатын. Биыл 4 шілдеде Мемлекет басшысының Жарлығымен бұл консультативтік-кеңесші органның жұмысына қатысты жаңа ереже бекітілді.
Айта кетерлігі, кеңестің құрамында осы жылдар ішінде айтарлықтай өзгерістер болған жоқ. Барлық тиісті құжаттар ашық дереккөздерде қолжетімді».
Евразия24 пікірі:
«Арғы бет» айдарында біз классикалық қазақстандық журналистиканың көрілім үшін күрес аясында қалай өзгергенін үнемі атап көрсетіп отырамыз. Мәселені сараптау, оның мазмұнына үңілу, деректерді салыстыру – бүгінгі таңда ескерілмейтін қалыпты жағдайға айналды. Ал ақпараттық себептерді бұрмалап жеткізу мемлекеттік институттарға деген сенімді әлсіретеді.
Ұлттық қорды басқару жөніндегі кеңеске қатысты ақпаратты бұрмалап бергені үшін тек саясаттанушы Данияр Әшімбаев қана нақты түзету енгізді. Ол – елдегі ең тәжірибелі саясаттанушы және өмірбаяншы. Бірақ оның пікірі ақпарат тасқынында елеусіз қалып қойды. Осыған байланысты қоғамда орынды сұрақ туындап отыр: «Болашақ ұрпақ үшін құрылған Ұлттық қоразайып жатқанда, Президент неге дәл қазір ғана оны бақылауға алды?»
Біздің ойымызша, Ақорда бастапқы қоғамдық қабылдауды түзету үшін ресми ақпарат құралдары арқылы нақты түсіндіру жүргізуі қажет.
